韓日爭獨島，中日齊釣魚。菲越台中馬齊齊去玩沙。美帝一聲 Asia I am back。 一班亞洲土佬立刻你爭我奪。美帝笑呵呵。淨係表態幫邊個，都大把油水可撈。遑論賣次等過期武器兼維修安裝售後服務。最惨係亞洲各國垃圾政客見自身民望低迷，不思進取，偷懶齊齊鼓勵廉價愛國民族主義。大頭佛就已經太遲。歐洲互片半個世紀，證此路不通。亞洲竟不醒覺？悲乎？！
另外，有人又再宣佈罷賣日貨。中國人連反日都咁懶惰？ 這麼多年，反對日本都停留係反日變傷害自己的例子。反日應借鑑美帝。在八十年代，美帝日捧夜捧大日本，The Sun is always rising。美國佬如是說。其日圓匯率被捧至天高。日本大款立刻大規模收購美國房地產，實現其未圓珍珠港美夢。美國佬精過鬼，實行高價賣晒佢，sell high and buy low。此乃第一步。日企見圓高，紛紛生產線外移。美國以巿場換技術，吸引日企立足美國。正所謂一入豪門深似海。又萬稅，又工會，又法律，日企焦頭爛額，吃不了兜著走的不知凡幾。日本因此迷失三十年，喊都無謂。反日？不是叫叫口號，衝鋒一輪，無以為繼。要嘛，學美帝。定一個四十年，逐步升級滅日本大棋盤，令日本陸沉。不過，日本目下已奄奄一息。反對一垂死老人國，於心何忍？上古中華帝國乜唔係崇尚敬老嘛？反日，風範可存？
沒有留言:
發佈留言